Quppernermi maani nunarsuarmi sakkortuumik pisoqartillugu meeqqanik oqaluussaqarneq pillugu siunnersuutivut nassaarisinnaavatit. Red Barnet tapersersueqataarusuppoq, meeqqallu ernummassutigisartagaat pillugit siunnersuerusulluni.

Qupperneq una pisariaqaraangat paasissutissanik nutaanik ilaneqartarpoq.

Pisut sakkortuut suuppat?
Inuit amerlanerit inuunermi sakkortuumik misigisaqartarput, namminneq inuunerminni imaluunniit ilaqutariiullutik.

Inuiaqatigiit akornanni sakkortuumik pisoqartillugu meeqqat atugarissaarnissaat Red Barnet-ip ukkataraa. Assersuutigineqarsinnaapput: Ajutoornerit, qarsutsineq imaluunniit sivisuumik qamittoorneq.

Imaassinnaavorli aamma sakkortuumik pisoqarnermi inuinnaat eqqugaanatik inuiaqatigiinnili ernumasoqalerlunilu annilaangasoqalertoq. Meeqqat ingammik uannga sunnerneqartarput, ilaatigut pisunit qanoq sunnerneqassanerlutik paasiuminaatsissinnaasarlugu.

Red Barnet-ip nunani assigiinngitsuni sorsuttoqarnermi sakkortuumilluunniit pisoqartillugu, meeqqat tapersersorlugillu atugarissaarnissaat qulakkeertarpaa. Taamatut sulisartarnitsinni meeqqat sakkortuumik pisoqarsimanerup kingorna alloriaqqissinnaasut paasinikuuarput.

Ilisimasavut misilittakkavullu Red Barnet-ip upalungaarsimanissaanut meeqqanillu sullissisarneranut pingaaruteqarluinnartumik tunngaviliisuupput. Taamatut sulisarnitsinni toqqissisimaneq, neriuuteqarneq meeqqallu sakkortuumik pisoqartillugu iliuuseqarsinnaanissaat ukkataraagut – sakkortuumik pisoqarnerup siornatigut, nalaani kingornalu.

Peqatigiiffik Uagut-ip siunnersuutit kalaallisuunngorlugit nutsersinnaasimammagit qujassutigaarput.